12 A Bio - 21
12ஆம் 'அ' பிரிவின் 21 இருபத்தொன்னு பாருடா சிரிக்குது... இருபத்தொன்னு இங்க தான் பாக்குது... இருபத்தொன்னு ஏனோ கோபமா இருக்குது... இரண்டாம் பெஞ்சில் முதலாளாக இருப்பவள் தான் அவள்... எனவே தான் அவளுக்கு பெயர் இருபத்தொன்னு... அங்கு மட்டும் அவளில்லை எங்கள் நெஞ்சிலும்... முந்தா நாள் டாய்லட் சந்தில் நிகழ்ந்த சண்டை, பீட்டியிடம் மாட்டி வீட்டிலிருந்து பெற்றோர் வருகை, அவ்வப்போது பேண்ட் ஜிப் அவிழ்ந்துவிடும் சிக்கல், பனியனற்ற மேணியில் உப்புப்பூத்த யூனிஃபார்ம், உசாரற்ற வேளையில் காலியான உருளைக்கிழங்கு பொரியல், இத்தனை பிரச்சனையில் இருபத்தொன்னை எங்களை பார்க்க வைப்பதும் எங்களுக்கான தலையாய பிரச்சனை. அவள் அப்பா பீடி குடிப்பார், சாதாரண வார் செருப்பு, முன் வழுக்கை, அம்மா எதோ பழைய முகம், அழுக்கு நிறத்தில் சீலை, இவர்களுக்குப் பிறந்த இருப்பத்தொன்னு மட்டும் எப்படி இப்படி இருக்கிறாள்! தேவதையடா! போயும் போயும் தோசை திம்பாள், ரச சாதம் சாப்பிடுவாள், தயிர் ஊற்றிக்கொள்வாள், ஊறுகாயும் சேர்த்திக்கொள்வாள், அதுவும் அசிங்கமான எலுமிச்சம் தான், பு.பிரவின் கூட பூண்டு ஊறுகா
