சகப்பயணி
சகப்பயணி எந்தப் படம், யார் இசையென்று எதுவும் தெரியவில்லை, மூன்று நிமிடமாக கேட்கிறேன் பாட்டின் சூழல் கூட எனக்கு விளங்கவில்லை... எதோ பாடல் ஓடுகிறது... இரவு ஏழு மணியிருக்கும்... புறநகர் பேருந்து... கூட்டம் பெரிதாக இல்லை... இருந்தும் எனக்கு அமர இருக்கையில்லை... ஜன்னல் பக்கமாக பார்த்து யாரும் பார்க்காதவாறு அழ முயற்சிக்கிறான்... அழுவது எனக்குத் தெரிகிறது... பக்கத்தில் இருப்பவன் பாதித் தூக்கத்தில் வருகிறான்... மடியில் தோல்பை மடிப்புகள் கசங்காத சட்டை... முடிகளும் சீராகத் தான்... கையில் கைக்குட்டையில்லை புறங்கையால் கண்ணீரைத் துடைத்துக் கொள்கிறான்... சளியுடன் அவன் மூச்சை இழுத்தது பக்கத்தில் நின்ற எனக்கே கேட்டது... மீண்டும் தேம்பிய நீர் தேம்புகிறான்... ஜன்னல் பக்கமாக திரும்புகிறான்... வேறு யாருக்கும் அவன் அழுவது தெரிய வாய்ப்பில்லை... அந்த இடத்தில் நின்றதால் சரியாக எனக்கு மட்டும் தெரிகிற சந்தில் அழுவது தெரிகிறது... ஓடும் பேருந்தில் இத்தனை பேருக்கு நடுவில் கட்டுப்படுத்த முடியாத அழுகைக்கு என்ன காரணம்? கேட்க வேண்டுமாய் இருந்தது... பக்கத்தில் இருப்பவன் யார